Omby qalasynda «Evromed» zamanaýı medısınalyq kópbeıindi ortalyq 2007 jyly qurylǵan. Ondaǵy mamandar « Ekstrakorporaldyq uryqtandyrý", "Jatyrishilik ınsemınasııa", "Eko plıýs Iksı", "Pıksı" baǵdarlamalary boıynsha jumys isteıdi.
«Soltústik Qazaqstan turǵyndary bizdiń mekemeniń qyzmetine jıi júginedi. Jer shalǵaılyǵyna baılanysty qatynaý ońaı emes. Osy sebepti kóshpeli konferensııa uıymdastyrý arqyly tájirıbe almasýdy, bir-birimizden úırenýdi, bolashaq analarǵa aqyl-keńes berýdi jón kórdik»,deıdi ortalyqtyń bólimshe meńgerýshisi, akýsher-gınekolog Natalıa Chernova.
Onyń oıynsha kez kelgen ana bala kóterýge aldyn ala daıyndalýy kerek. Sonda ómir esigin ashatyn sábıdiń deni saý bolady. Shańyraq kótergen jas otaý ıeleri perzent súıýdi armandaıdy. Eki kúnge sozylǵan alqaly bas qosý barysynda júktilikti 3 aı buryn josparlaýdyń tıimdiligi, jaýapty kezeńge muqııat daıyndalý qajettigi, muny keı jas analar bile bermeıtini, ázirlik eki baǵytta júrgiziletini atap kórsetildi. Birinshisi, júktilikke aǵzanyń, ekinshisi, psıhologııalyq turǵydan daıyn bolýy shart. Júktiliktiń durys josparlanýy deni saý bala týýǵa múmkindik beredi.
Konferensııaǵakelgen № 2 qalalyq emhananyń akýsheri Tatıana Irashýk kóptegen jańashyldyqtarǵa qanyqqanyn aıtady.
«Konferensııaǵa basynan aıaǵyna deıin muqııat qatystym. О́te mazmundy boldy. Erekshelikterimiz de bar. Máselen, bizdiń hattamalar Reseıdegi mamandardykimen salystyrǵanda sál ózgesheleý eken. Jumysqa barysynda qoldanatyn bolamyz», deıdi ol.
Soltústik Qazaqstan oblysy
